Баварскиот и лондонскиот тим остварија победи на гостувањата синоќа и со убава предност, особено Баерн, ќе влезат во реваншите.
Челси славеше со минимални 1:0 на гостувањето кај Атлетико, натпревар кој се одигра на неутрален терен на „Арена Национала“ во Букурешт, Романија.
Мрежите мируваа сѐ до 68. минута кога Оливје Жиру со ножички го постигна голот кој го реши победникот.
Далеку поинтересно беше во Рим каде Лацио го пречека актуелниот шампион Баерн.
Актуелниот бранител на тронот во натпреварот влезе решително и го отвори резултатот уште во 9. минута со голот на најдобриот фудбалер за минатата година, Роберт Левандовски.
Во 24. минута 17-годишниот Џамал Мусиала го дуплираше водството, а три минути пред паузата Лирој Сане се погрижи за водство од 0:3.
Само што почна второто полувреме Франческо Ачерби со автогол стави крај на малите надежи на „Бјанкочелестите“. Две минути после тоа, во 49. минута, Хоакин Кореа постигна почесен гол за домаќините, што на крајот се покажа и како конечен резултат од 1:4.
Вечерва од 21 часот се играат последните два натпревара од осминафиналето, а се среќаваат Аталанта - Реал Мадрид и Борусија Менхенгладбах - Манчестер Сити.
