Приватните одморалишта на островите Туркс и Кајкос во Атлантскиот океан, за кои се верува дека се единствените преостанати недвижности на покојниот музичар Принц, ставени се на аукција.
Њујоршка аукциска куќа која ја организира продажбата прима понуди за имотот, кој е опкружен со море од три страни и неколку објекти со вкупна површина од 930 метри квадратни.
Имотот опфаќа и две приватни плажи, а Принц го купи во 2011 година за 13 милиони долари.
Понудите на аукцијата се примаат до 12 јули, а се очекува имотот да биде продаден за најмалку 15 милиони долари.
Принц почина на 21 април 2016 година од прекумерна доза на фентанил, многу силен аналгетик, кој наводно го земал по грешка мислејќи дека станува збор за друг, послаб лек против болки.