Извлечена е жрепката за осминафиналето во Лигата на шампиони, а во центарот на вниманието е дуелот помеѓу Барселона и ПСЖ.
Денес во Нион се одигра жрепката за осминафиналето во Лигата на шампиони. Двојките ги извлече легендарниот швајцарски фудбалер Стефан Шапуиза, а најинтересен дуел во оваа фаза од натпреварувањето е оној помеѓу Барселона и ПСЖ.
Треба да биде возбудливо и на дуелот помеѓу Атлетико Мадрид и Челси, додека актуелниот бранител на титулата Баерн се соочува со Лацио на патот кон четвртфиналето.
Двојките од осминафиналето изгледаат вака:
Барселона - ПСЖ
Атлетико Мадрид - Челси
Борусија Менхенгладбах - Манчестер Сити
Лацио - Баерн
Лајпциг - Ливерпул
Порто - Јувентус
Севиља - Борусија Дортмунд
Аталанта - Реал Мадрид
Првите натпревари ќе се играат на 16, 17, 23 и 24 февруари, а реваншите се закажани на 9, 10, 16 и 17 март, 2021 година.
Финалето во Лигата на шампиони оваа сезона ќе се одигра на 29 мај во Истанбул.
По жрепката за Лигата на шампиони, во 13 часот ќе се одржи ждрепката за 16-финалето на Лига Европа.
