Жрепка за Светското клупско првенство: Мајами ја крои судбината на 32 екипи

Пред неколку дена беше финализиран списокот на учесници за Светското клупско првенство на ФИФА 2025 година, а вечерва во Мајами ќе се одржи жрепката за групите од најголемото глобално натпреварување што ќе се одржи во САД.

Со дури 32 екипи во оптек, бидејќи составот на следниот шампионат (15 јуни - 13 јули) претрпе коренити промени со одлука на првиот човек на Меѓународната фудбалска федерација. Претходно собираше само 6 клуба, а сега е замислен како клуб еквивалент на „вистинскиот“ Мундијал и ќе се одржува на секои четири лета, за да има по еден пред Мундијалот на репрезентации. Овој пат пред овој во Канада, САД и Мексико во 2026 година.

„Процедурите на жрепката вклучуваат многу основни принципи за да се обезбеди натпреварувачка рамнотежа и географска разновидност за време на групната фаза, а нокаут-фазата ќе зависи од спортските резултати“, објави ФИФА пред да се извлечат клубовите во соодветните групи.

Градови домаќини на првото Светското клупско првенство од ваков вид ќе бидат Мајами, Сиетл, Лос Анџелес, Орландо (два стадиона), Атланта, Нешвил, Шарлот, Синсинати, Вашингтон, Филаделфија и Њујорк (Њу Џерси), каде што ќе се игра финалето. Екипите ќе бидат поделени во 8 групи.

Најдобрите два од секоја група ќе обезбедат пласман во осминафиналето. Елиминациската фаза продолжува традиционално - четвртфинале, полуфинале, па финале. Познато е дека мечот за титулата се игра во Њу Џерси, на стадион кој собира близу 85.000 гледачи.

За време на жрепката ќе се применуваат различни ограничувања, вклучувајќи го и општото правило дека ниту една група не може да има повеќе од еден тим од иста конфедерација. Ова важи за сите конфедерации освен за УЕФА, која на турнирот ќе ја претставуваат 12 клубови. Според тоа, четири од осумте групи ќе имаат по два европски клуба.

Интер Мајами и Сиетл Саундерс, два американски клуба, од организациски причини автоматски ќе се пласираат на четвртото место во групите А и Б. Интер Мајами ќе го одигра натпревар на отворањето на турнирот на стадионот „Хард Рок“ во Мајами, додека Сиетл Саундерс ќе ја започне својата кампања веднаш потоа на „Лумен Филд“ во Сиетл.

Жрепката е од 19:00 часот по македонско време, а директен пренос ќе оди на Arena Premium 1.

Барабан 1

• Манчестер Сити (Англија)
• Реал Мадрид (Шпанија)
• Баерн (Германија)
• Пари Сен-Жермен (Франција)
• Фламенгу (Бразил)
• Палмејрас (Бразил)
• Ривер Плејт (Аргентина)
• Флуминенси (Бразил)

Барабан 2

• Челси (Англија)
• Борусија Дортмунд (Германија)
• Интер (Италија)
• Порто (Португалија)
• Атлетико (Шпанија)
• Бенфика (Португалија)
• Јувентус (Италија)
• Салцбург (Австрија)

Барабан 3

• Ал Хилал (Саудиска Арабија)
• Улсан ХД (Јужна Кореја)
• Ал Ахли (Египет)
• Видад (Мароко)
• Монтереј (Мексико)
• Леон (Мексико)
• Бока Жуниорс (Аргентина)
• Ботафогу (Бразил)

Барабан 4

• Урава Ред Дајмондс (Јапонија)
• Ал Аин (ОАЕ)
• Есперанс (Тунис)
• Мамелоди Сандаунс (Јужна Африка)
• Пачука (Мексико)
• Сиетл Саундерс (САД)
• Оукленд Сити (Нов Зеланд)
• Интер Мајами (САД)