ЖРК Вардар ја оствари првата цел зацртана пред почетокот на сезоната и избори пласман на завршниот турнир во Лигата на шампионите.
Ракометарките на Вардар, со неубедлива игра во двата меча, славеа две победи над Митјиланд и стигнаат до четвртиот пласман на завршниот турнир, во последните четири години.
Откако во Данска, во првиот четвртфинален натпревар, го совладаа Митјиланд со 28:26, вардарки во реваншот славеа со идентична разлика од 26:24.
Сепак во реваншот „црвено-црните“ ракометарки во еден момент си поиграа со нервите на своите навивачи, кога во второто полувреме му дозволија на Митјиланд да создаде предност од три гола (12-15).
До крајот на натпреварот вардарки воспоставија рамнотежа, во последните десет минути имаа водство од 25-21, а финишот Митјиланд го затвори со три гола за конечни 26:24.
Вардар до победата го предводеа Пенезиќ и Човиќ со по шест голови.
Завршниот турнир ќе се одигра на 6 и 7 мај во Будимпешта, а покрај ЖРК Вардар таму се пласираа Ѓер, Будуќност и Букурешт.
