Тренерот на Реал Мадрид, Зинедин Зидан ја пофали играта на голманот Тибо Куртоа по успехот на тимот над Алавес со 2:0 во натпревар од Ла Лига.
– Ние ја заслуживме оваа победа. Овие 3 поени се важни за нас. Останаа уште 3 натпревари. Сега ќе се одмориме и ќе се подготвиме за следниот натпревар. Куртоа има значајно влијание за тимот, бидејќи тој игра голема улога во тоа да не примаме голови, прокоментира францускиот стручњак.
Реал е лидер на табелата со 80 поени и 4 пред Барселона. Остануваат уште 3 кола до крајот на првенството.