Откако цело лето пробуваше да го договори трансферот на Пол Погба во Реал Мадрид, Зинедин Зидан сега оствари средба со играчот на Манчестер Јунајтед и тоа во Дубаи.
Се работи за сосема случајна средба, не за договорена. Двајцата се погодија да бидат токму на тоа место во исто време. Зидан присуствуваше на семинар поврзан со вештачката интелигенција, додека Погба отиде да се опоравува од повредата на глуждот.
Весникот Daily Mirror на својата насловна страница објави вест за нивната средна, а на фотографијата до која дошле се гледа како двајцата уживаат во разговорот. И нормално, тоа веднаш покрена нов бран шпекулации за преминот во Мадрид.
Погба има договор со Јунајтед до летото 2021, па сега се наоѓа во таканаречената кризна фаза. По истекот на договорот може да си замине без отштета, а дотогаш неговата цена непрекинато ќе паѓа доколку не потпише нов договор. Токму тука Зидан сигурно ја гледа својата шанса.
