Зидан на големо се враќа, конечно ќе ја добие работата што отсекогаш ја чекаше

Легендарниот француски фудбалер и стручњак, Зинедин Зидан, планира големо враќање во фудбалот, а како што пренесуваат медиумите од неговата земја, речиси сигурно тој ќе биде наследникот на Дидје Дешам.

Француските медиуми синоќа пласираа вистинска бомба, откако беше објавено дека Дидје Дешам си заминува од селекторската функција на Франција. Дешам по 14 години владеење најави заминување од клупата на „Ле Блу“ по Светското првенство во 2026 година.

Него, според сите проценки, ќе го наследи Зинедин Зидан како единствен адекватен кандидат. Славниот француски фудбалер не сака да води никого во својата кариера освен Реал Мадрид и француската репрезентација, а бидејќи со Реал освои сѐ што може да се освои, единствена желба му е репрезентацијата на неговата земја.

Угледниот француски весник Le Parisien наведува дека Зидан е апсолутен фаворит за преземање на клупата од Дешам и ќе биде вистинска сензација доколку тоа не се случи на крајот.

Така што ќе мора да чекаме некое време за враќањето на Зидан во фудбалот, но ќе вреди, бидејќи тоа е неговата најголема неостварена желба во фудбалската кариера, вклучувајќи ги и играчките денови.

Да потсетиме, Светското првенство во 2026 година ќе се игра во САД, Мексико и Канада. Тоа ќе биде идеална можност за Дешам на најдобар начин да се прости од француската селекција со која стана светски шампион на Мундијалот 2018 во Русија.

Бидејќи Французите веќе важат за едни од главните фаворити, Дешам би можел да се збогува во најубав стил - со нова титула светски шампион.