Фудбал

Зидан: Пеп е најдобар тренер во светот

25. февруари 2020 - 18:54 | МИА

Манчестер Сити и Реал Мадрид утревечер ќе играат на „Етихад“ во првиот осминафинален дуел во фудбалската Лига на шампиони.

„Кралевите“ пристигнаа во Англија, а Зинедин Зидан ја одржа и официјалната прес-конференција пред натпреварот, на која, меѓу другото, одговори и на прашањето: „Кој е, според него, најдобриот тренер“.

– Пеп Гуардиола. Покажа дека е најдобар во секој клуб во кој беше досега. Прво во Барселона, па во Баерн и сега во Сити. За други можеби е некој друг тренер најдобар, но за мене тоа е Пеп, рече Французинот на клупата на Реал.

Утрешниот натпревар на „Етихад“ го најави како спектакл, со оглед дека англиско-шпанската фудбалска пресметка е дерби во осминафиналната фаза во ЛШ.

– Тоа нема да биде дуел меѓу Зидан и Гуардиола, туку на Сити и Реал. Такви натпревари сакаат да гледаат луѓето. Ќе биде спектакл и пресреќни сме што можеме да го понудиме, додаде Зидан.

Коментирај