Во текот на зимските денови, потребно е да посветите поголемо внимание на негата на кожата, но и на косата.
За бујна и здрава коса, без оштетени врвови, не ви се потребни скапи препарати. За домашна маска за коса може да употребите и состојки кои ги имате дома. Оваа маска ќе им ја овозможи на влакната потребната хидратација, а со тоа ќе се забрза и нивниот раст.
Потребни состојки:
- 100 мл темно пиво
- 1 лажица мед
- 1 јајце
- 1 банана
Начин на подготовка:
Сите состојки ставете ги во блендер, измешајте ги па смесата нанесете ја на сува коса. Завиткајте ја главата прво со алуминиумска фолија, па со крпа. Оставете да дејствува еден до два часа, а потоа измијте ја косата и отстранете ја маската.
Оваа маска може да ја користите еднаш неделно. Благодарение на витамините и на природните масла, бананата ќе ѝ овозможи мекост и сјај на косата, додека јајцата изобилуваат со аминокиселини и лецитин, совршени за раст на влакното.
