Од генерација на генерација возачи се пренесуваат „добронамерни“ совети и трикови како да се користи автомобилот во студените месеци.
Веројатно нема возач кој не дал или не добил совет дека автомобилот треба да се остави да работи по палењето додека не ја достигне работната температура. И никој нема да го оспори таквиот ритуал, бидејќи самата логика налага дека на „замрзнат“ мотор му треба малку време да се загрее пред да тргнете на пат.
Меѓутоа, вистината е сосема поинаква. Оставањето на моторот да се загрее во место не е ништо друго туку сосема погрешно верување кое му го скратува животниот век.
Кога наутро седнувате во ладниот автомобил на минусни температури, нема потреба да го загревате моторот во место. Оваа практика, всушност, може да го отстрани маслото од ѕидовите на цилиндрите, што доведува до абење, а во исто време, додека моторот не почне да постигнува работна температура, непотребно ќе го трошите горивото.
Исто така, загревањето на моторот во место трае подолго отколку во возење, а работата во „лер“ поради послаб процес на согорување на горивото доведува до тоа несогореното гориво да се претвори во маслен филм и да заврши во картерот.
Новите мотори имаат сензори кои детектираат ниски температури на моторот, па пумпата за гориво работи „прекувремено“ за да достигне најмалку 4 степени Целзиусови, а ако веднаш запали, сите делови на моторот почнуваат да се загреваат подеднакво отколку во мирување.
Како утеха за возачите кои го загреваат автомобилот во место пред да тргнат, треба да се напомене дека оставањето на моторот да се загрее во место не е погрешно кај сите возила. Точно е, дури и препорачано, ако возите автомобил стар околу дваесет години. Во тој случај, држете се и до другите правила, односно помали брзини и вртежи додека температурата не го достигне потребното ниво.
