Фабриката за електрични автомобили на Tesla почна со работа во Берлин, а благодарение на снимките направени со дрон, сега е можно да се види како всушност изгледа Gigafactory.
Гигафабриката се наоѓа во Бранденбург, а лет со дрон откри како изгледаат процесите од кои излегуваат новите модели на Tesla.
Основачот на Tesla, Илон Маск, лично им предал 30 примероци од електричниот кросовер Model Y на купците, а токму тој се појавува во видеото.
Дронот сними одлично видео кое Tesla Motors го објави на Twitter. Станува збор за видео кое беше прикажано на екранот при свечената испорака на првите автомобили на нивните клиенти.
Видеото нуди многу акција, а започнува од паркингот, па дронот лета внатре во фабриката, прикажувајќи го производството и веќе произведените компоненти. Исто така, евидентирано е заварување на делови од каросеријата, лакирање и монтажа на надворешни делови.
Дронот дури влезе во еден автомобил, а на крајот излезе и ја сними фабриката однадвор.
