ММА борачот Конор Мекгрегор им овозможи на фановите да ја ѕирнат во неговиот нов луксузен паб The Black Forge Inn.
Во 2019 година, ирската суперѕвезда го купи имотот лоциран во неговиот роден Крамлин во Даблин за 2,3 милиони евра.
Тоа е истото место каде за Божиќ во 2018 година Мекгрегор достави шишиња со неговото виски Proper No Twelve и го донесе во медиумите.
33-годишниот Мекгрегор сега е сопственик на ова место и на социјалните мрежи понуди поглед „зад кулисите“.
Просторот е класично уреден, со шанк и ресторански дел, отворена кујна и простор за седење за гостите. Понатаму, има и бар само за пијалоци каде што сигурно ќе се продава Proper No Twelve.
Можете да го видите барменот како подготвува фенси коктели, додека на еден ѕид е насликан истиот тигар што Мекгрегор го има истетовирано на градите.
