Volkswagen е еден од најстарите производители на автомобили и зад себе има многу неверојатни концепти и прототипови. Некои од нив се чуваат во магацинот на VW Classic во Волфсбург, а сега имате можност да ги видите.
Јутјуберот Џамиер Ор ја имаше привилегијата да влезе во магацинот, да ги види и сними фантастичните автомобили Volkswagen од кои има околу 200 под еден покрив.
Ор ја започна својата презентација со ID.R тркачки модели од Goodwood и Pikes Pika, а видеото го прикажува и Golf GTI TCR Mk8. Во декември 2020 година, VW објави дека се повлекува од активностите во мотоспортот што значеше затворање на програмата Touring Car Racing. Автомобилот е целосно камуфлиран бидејќи никогаш не бил официјално претставен, но јасно е дека се работи за „мало чудовиште“.
Дел од колекцијата се и електричните колекции на Golf, а тука е и Golf Cross Country. Голфовите се придружени од седанот Phaeton, како и ретките Beetle RSi и Passat R36. Еден прототип што се издвојува секако е Polo од 1987 година со двоцилиндричен дизел мотор со компресор.
Во магацинот се чува и „Буба“ од 1946 година, една од првите произведени од Volkswagen. Под истиот покрив се наоѓа заборавениот концепт NILS, електричен едносед кој се уште изгледа футуристички иако е стар повеќе од десет години. На видеото се прикажани и два кабриолет Beetle RSi.
Поголемиот дел од колекцијата е претставена со примери на легендарниот голф. Сегашната осма генерација не е неговиот крај, бидејќи и официјално е потврдено доаѓањето на деветтата, која веројатно ќе биде последна со мотор со внатрешно согорување.
