Потеклото на златото уште е мистерија, но научниците открија астероид што содржи доволно вредни метали што теоретски на секој човек на Земјата би им донеле по околу милијарда долари.
Станува збор за астероидот Psyche 16 што се наоѓа меѓу Марс и Јупитер, а содржи огромни количини злато, железо и никел. Сега се чека научниците и да го докажат ова откритие, а американската вселенска агенција НАСА планира да го почне тој процес во 2022 година.
Секако, се поставува прашањето дали може да се експлоатира златото во вселената. Професор Џон Зарнецки, претседател на Кралското здружение на астрономи, поценува дека би биле потребни 25 години за докажување на концептот и уште 50 за почеток на експлоатацијата.
Ова зависи од две клучни работи – економската исплатливост и напредокот на вселенската технологија.
Исто така, многу светски сили би сакале да дојдат до „златниот астероид“, а Кина дефинитивно планира да доминира.
Мич Хантер-Скалион, основач на британската компанија Asteroid Mining Company, за BBC изјави дека ова е дефинитивно следниот индустриски „бум“.
„Откако ќе ја поставите инфраструктурата, тогаш можностите се речиси бесконечни. Оние кои ќе бидат доволно храбри да го прифатат предизвикот што се однесува на астероидите ќе заработи астрономска сума пари“, рече тој.
„Она што го правиме сега на Земјата е импресивно, но потрагата по злато во вселената е прашање на инфраструктура“, вели Скот Мур, директор на компанијата EuroSun Mining.
Има астероиди што поминуваат блиску до Земјата и кои би можело да бидат „поттурнати“ во орбитата за да може од нив да се експлоатира вода и други елементи. Исто така, тука е и Месечината на која има злато и платина. Иако гравитацијата е шест пати поголема на Земјата отколку на Месечината, научниците сметаат дека е возможно да се најде начин за експлоатација на руда.
Денес веќе има глобален пазар за рударење на астероиди, а се проценува дека до 2025 година оваа индустриска гранка ќе вреди повеќе од 3,8 милијарди долари.
Глобалната вселенска индустрија денес вреди околу 350 милијарди долари, а до 2040 година ќе биде зголемена на 2,4 илјади милијарди долари.
Освен астероидот Psyche-16, има и еден помал астероид широк 200 метри чија платина вреди 30 милијарди долари.
Кина сака да доминира на овој пазар, а дури и малиот град-држава Луксембург има десет компании регистрирани со дејност вселенско рударење.
