Цената на златото се зголеми поради засилената геополитичка тензија што ја поттикна рускиот претседател Владимир Путин со најавата за делумна мобилизација и очекувањето на дополнително големо покачување на каматните стапки во САД.
Една унца злато поскапе на физичката берза за 0,5 отсто на 1.673,74 долари. Во временските договори на американската берза цената поразна за 0,6 отсто на 1.681,85 долари.
Геополитичките тензии повторно се во прв план откако Путин најави делумна мобилизација во значителната ескалација на војната во Украина. Русија ќе ги употреби сите расположливи средства за да ја заштити својата територија, рече Путин, поддржувајќи го најавениот референдум за пристапување кон Руската Федерација во деловите на Украина што се под контрола на руските сили.
Инвеститорите се во очекување на продолжувањето на седницата на американската централна банка за монетарната политика. Се очекува значителен раст на клучните каматни стапки, најверојатно за 0,75 процентни поени на 3 до 3,25 отсто.
Берзите ќе се фокусираат на ажурираните прогнози на ФЕД за стопанството и каматните стапки. Централните банки на Јапонија, Швајцарија и ОК утре ќе одлучуваат за монетарната политика.