МВР соопшти дека 32-годишниот Д.А. од Злетово починал откако проголтал прашкаста материја со која полицијата го фатила.
На 14.12.2018 година во 19:15 часот на Граничен премин Делчево на влез во Република Македонија со патничко моторно возило „Мини купер “ со бугарска национална ознака се пријавил Д.А.(32) од Злетово, кој го управувал возилото, а како совозач било 18-годишно лице од Пробиштип.
Извршен е преглед над лицата и на нивниот личен багаж, при што кај Д.А., била пронајденa ќесичка со непозната прашкаста материја. Додека траела постапката спроведена од страна на царинските службеници во еден момент Д.А. ја земал ќесата ја скинал најлонската фолија и непознатата материја ја голтнал.
Веднаш била повикана екипа на Итна медицинска помош и Д.А. бил префрлен во Здравствен дом Делчево, каде околу 22 часот починал. Известен е јавен обвинител по чија наредба телото е предадено за обдукција.
Се преземаат мерки за расчистување на случајот.