Колонизацијата на Марс е и понатаму невозможна, барем според резултатите на истражувањето околу канцерогените космички зраци.
Научникот Френк Кучинота во соработка со Елидон Какаот од Универзитетот во Лас Вегас ги истражувал ефектите на космичкото зрачење врз организмот.
Тимот ги анализирал претходните истражувања околу туморите на глувците и открил дека животните во вселената се два пати повеќе изложени на рак од тоа што се мислело досега.
Претходните студии не истражувале на кој начин се шират космичките зраци од директно оштетените ќелии до секундарни, на тој начин уништувајќи ја DNK и претворајќи ги во канцерогени ќелии.
Нивното истражување открило дека одбранбениот механизам „значајно опаднал“ при количината на радијација на која биле глувците изложени.
Космичкото зрачење кое предизвикува катаракта, оштетување на нервите и проблеми со циркулацијата, предизвикано е од високоенергетските атомски и субатомски честици кои настануваат од експлозијата на ѕвездите и црните дупки.
На тој начин астронаутите се изложени на многу поголемо ниво на радијација од луѓето на Земјата, бидејќи нашата атмосфера обезбедува природна заштита од штетните радиоактивни зраци.
Инаку, многу вселенски агенции се посветуваат во истражувањето на ефектите на радијацијата во вселената, а НАСА има намера да испрати човек во мисија на Марс во 2030 година, додека Кина сака да ги престигне и да изведе независна мисија во 2020 година.
