Јангтајмери се автомобили стари помеѓу 15 и 25 години, додека постарите модели веќе се вбројуваат во класични автомобили.
Кај вторите вредноста веќе се стабилизира, но пазарот на јангтајмери и понатаму покажува голема динамика во цените.
Според германскиот Youngtimer Price Guide, цените на некои модели може да се удвојат во рок од само една година.
Анализата на пазарот што ја спроведува Classic Analytics опфаќа 3500 понуди за 1000 различни модели автомобили од 53 брендови, при што се забележани значителни скокови на вредноста. Така, на пример, Renault Twingo кој пред шест месеци вредел 1200 евра сега достигнува цена од 3900 евра – што значи дека вредноста му пораснала дури трипати.
Сличен тренд е видлив и кај спортските модели како Golf GTI, чија цена помеѓу јануари 2024 и 2025 пораснала од 6200 на 14.000 евра, што претставува раст од дури 125,8 проценти. Уште поголем пораст во апсолутен износ забележал ретката Talbot Samba Rallye, чија цена скокнала од 6800 на 18.000 евра за само една година.
Француски Peugeot исто така се истакнува на листата на модели кои доживеале значителни зголемувања на вредноста. Моделите 306 кабриолет, спортскиот S16 и неговиот претходник 309 GTi 16V станале барани колекционерски примероци. Овој тренд го потврдува правилото дека кабриолетите и спортските модели секогаш се меѓу најпосакуваните класици.
Пазарот на јангтајмери е сè подинамичен, а аналитичарите предвидуваат дека побарувачката за ретки и спортски верзии и понатаму ќе расте.
Вредноста на овие 12 автомобили двојно е зголемена (од февруари 2025)
Renault Twingo ('92-'98) 225 проценти
Peugeot 309 Gti 16V ('90-'93) 188,9 проценти
Talbot Samba rally ('83-'86) 164,7 проценти
Pontiac Firebird TransAm ('93-'98) 154,5 проценти
Peugeot 306 2.0 16V S16 ('93-'96) 151,5 проценти
Citroën CX 25 D Long Turbo 2 ('86-'89) 145,9 проценти
Peugeot 306 2.0i Кабриолет ('94-'97) 136,7 проценти
Lancia Ypsilon 1.1 ('95-'00) 128,6 проценти
Talbot Sunbeam ('79-'81) 127,8 проценти
VW Golf II GTI ('84-'87) 125,8 проценти
Volvo 740DL ('82-'84) 118,9 проценти
Toyota MR 2 Coupé T-Bar ('90-'94) 113,3 проценти.
