„Вашите минати искуства можеби ве спречуваат да бидете најдобри во врските, но тоа не мора да остане така“, вели терапевт за трауми и врски.
Доживувањето на вознемирувачки настани во текот на вашето детство може да доведе до постојано чувство на стрес, страв и предавство, што може многу да влијае на вашиот однос со партнерот.
Елејн Еванс, терапевт за трауми и врски, на својот Instagram профил зборува за тоа како траумите од минатото може да влијаат на вашите врски сега.
„Вашите минати искуства можеби ве спречуваат да бидете најдобри во врските, но тоа не мора да остане така“, напиша таа во описот на својата објава.
Знаци дека траумите од минатото влијаат на вашата врска:
На луѓето кои се соочуваат со трауми од минатото им е тешко да им веруваат на своите партнери. Поставувањето граници или напуштањето на врската се однесувања кои произлегуваат од недостатокот на доверба во врската.
Вашите трауми од минатото може да доведат до нереални очекувања од вашиот партнер, што може да ја загрози вашата врска. Ова може да доведе и до бројни расправии со вашиот партнер. Неисполнетите очекувања во врската може да предизвикаат чувство на вознемиреност.
Многу врски завршуваат поради претерано размислување. Ваквиот начин на размислување за сè и сешто започнува во детството, ако човек се чувствува запоставен, отфрлен или живее во насилна средина.
Може да се чувствувате постојано врзани и да барате постојано уверување и потврда од вашиот партнер, дури и ако вашата врска оди совршено без проблеми. Ова може да го изнервира вашиот партнер.
Иако малата љубомора во врската може да биде добра, траумите од минатото лесно може да направат личноста да се чувствува пољубоморна. Човек во таква ситуација би го барал цело време и внимание од партнерот.
Траумата влијае на начинот на кој го гледаме светот, вклучувајќи го и нашиот партнер. Трауматизираната личност секогаш може да има негативни мисли за партнерот кои би можеле да ја попречат нивната врска.
Еден од најчестите знаци на траума во минатото е дека личноста губи интерес да прави забавни активности со својот партнер, вклучително и секс.
