Кога се сомневате дека нешто лошо се случува во вашата врска, навистина е тешко тоа да го прифатите. Почетната фаза од оваа ситуација обично ја игнорираат и двајцата партнери и продолжуваат да ја идеализираат својата врска.
За да ги ублажите најлошите фази кои допрва претстојат, посветете внимание на овие знаци кои ви укажуваат дека вашата врска е на раб од пропаст.
Партнерот секогаш ве критикува
Константното критикување од страна на партнерот не е нормална појава. Посветете внимание на видот на критиките кои ви се упатуваат, бидејќи критикувањето на вашата личност, кариера и вашите избори, се основни знаци за непочитување. Ако сте вие таа страна која упатува критики, размислете зошто така се однесувате и зошто чувствувате потреба за такви постапки во односот со партнерот.
Секогаш е дефанзивен
Ако партнерот секогаш зазема позиција на „невина жртва“ кога ќе се отвори кое било прашање, можете да стекнете впечаток дека правите проблем од што било. Посветете внимание за тоа како да реагирате на нормални дискусии и прашања. Ако наместо објаснување партнерот веднаш ви поставува таканаречен одбранбен механизам, можеби е време да тргнете понатаму и да најдете некој кој ќе ве цени и почитува.
Отсутен е кога му се обраќате
Ова е знак кој обично најлесно се забележува. Ако често водите монолог и вашиот партнер не се ангажира сериозно за време на разговорот, вашата емотивна врска сигурно слабее. Во тој случај најдобро е да раскинете што е можно побргу, за подоцна да не бидете уште повеќе разочарани.