Не е секогаш едноставно да ги препознаете знаците на синдромот на согорување од работа или работна исцрпеност, особено во овој период на пандемија кога значително се промени начинот на работа во фирмите.
Од почетокот на минатата година повеќето луѓе работат од дома што скоро целосно им оневозможува на работодавачите да забележат дека на вработените им е потребна пауза.
Затоа е важно да си посветите време за себе и да утврдите дали е време за одмор:
1. Чувствувате недостиг на самодоверба
Ви се чини дека не може да ги извршувате задачите кои некогаш ви изгледаа многу едноставни. Односите со колегите, пријателите и семејството ви изгледаат разнишани, се чувствувате како да не сте им доволно интересни, како да не ве сакаат во нивна близина.
2. Јадете повеќе или помалку од претходно
Во однос на исхраната се случува да јадете помалку квалитетна храна затоа што немате доволно желба да се фокусирате на подготовка на квалитетни и редовни оброци.
3. Чувствувате дека сте помалку продуктивни на работа
Затоа сè потешко ги извршувате деловните обврски. Не обрнувате внимание на деталите и се трудите што побрзо да ја завршите работата.
4. Се чувствувате летаргично и дистанцирано
Работната исцрпеност често наликува на депресија поради што луѓето се чувствуваат летаргично и дистанцирано од другите луѓе. Со самото тоа, луѓето кои се преморени неретко одбиваат да учествуваат во какви било социјални активности, откажуваат планови и делуваат незаинтересирано за дружење со луѓе.
5. Слободни денови
Доколку сè почесто пропуштате од работата и барате слободен ден тогаш е дефинитивно време да го искористите годишниот одмор и да ги наполните батериите. Преморот може да предизвика стомачни проблеми, главоболки и низа здравствени проблеми.
Слушајте го вашето тело и знаците коишто ви ги испраќа.