Во развојот на романтичната врска, како што тврдат експертите, обично има два клучни моменти во развојот на врската кои можат да го предвидат нејзиниот крај, многу пред раскинувањето.
Психолозите Јанина Билер и Улрих Орт открија дека падот на задоволството од врската започнува неколку години пред раскинувањето, а одлуката за раскинување обично не е ненадејна, барем не за личноста која раскинува.
Како што објаснуваат овие психолози, љубовната врска се распаѓа во две клучни фази. Имено, претфиналната фаза во врската започнува рано и може да трае со години. За време на неа, партнерите постепено го губат задоволството во врската, но во овој период сѐ уште има простор за промени и поправки. Сепак, во оваа фаза има најголеми шанси да се спаси врската, доколку двете страни се свесни дека нешто се случува.
После тоа, последната фаза започнува кога парот ќе се најде на „пресвртна точка“ во време кога задоволството нагло опаѓа и емоционалната дистанца станува изразена. Оваа фаза може да трае од 7 до 28 месеци, по што врската обично завршува.
„Кога двојката ќе влезе во последната фаза, раскинувањето е речиси неизбежно“, објасни Булер.
Како што тврди, низ оваа фаза поминуваат само луѓето кои завршуваат со раскинување. Според неа, двата партнера не минуваат низ овие фази во исто време.
„Оној што раскинува најчесто подолго време чувствува незадоволство, додека другиот само што почнува да го сфаќа тоа. Партнерите не раскинуваат од ден на ден, туку поминуваат низ низа фази кои емоционално ги оддалечуваат. Важно е да се препознаат овие обрасци за навреме да се реагира“, тврди психологот Булер.
Доколку се препознаете во овие фази, психолозите советуваат дека најважно е да не ги игнорирате знаците.
„Токму во првата фаза, пред да биде предоцна, можно е да се направат промени, отворено да се разговара и да се направи обид да се спаси врската, ако тоа го сакаат двете страни. Откако ќе влезете во последната фаза, нема враќање назад“, објаснуваат психолозите.
