Љубов и секс

Знаци што покажуваат дека бившиот уште ве нема преболено

18. септември 2019 - 10:16 | А.С.

Раскинувањата никогаш не се лесни, ни за оној кој остава, ни за оној кој е оставен. Уште потешко е кога и двајцата сте решиле да се разделите, а уште имате чувства еден за друг.

Иако повеќето раскинувања се конечни и до тој чекор треба да дојдете со внимателно размислување, понекогаш временската и просторната дистанца е токму она што ни е потребно за да сфатиме што сме имале и то сме изгубиле.

Ако ги препознавате повеќето од овие знаци и однесувања кај бившиот, тоа значи дека уште ве нема преболено и најверојатно сака пак да бидете заедно. Сепак, најдобро би знаеле ако искрено разговарате со него.

Ви го честита роденденот

Само што поминало полноќ и е датумот на вашиот роденден, една од првите пораки со честитки е од него. И тоа не обично „Среќен роденден“ на Facebook, туку лична, длабока и долга порака во која точно знае што да ви посака, бидејќи толку добро ве познава.

Ви праќа покани за журките што ги организира

Ова е вистински знак дека уште сака да го привлече вашето внимание. Оние понезрелите можеби ќе ја злоупотребат приликата да предизвикаат љубомора, но ако ве вика на журките што ги прави тој, сака да ви покаже дека не пати, ама сака да ве види.

Сака да ви покаже дека се сменил

Ако секоја прилика кога ќе се видите или чуете ја користи да ви покаже дека се сменил на подобро, тоа значи дека сака да ви докаже дека е вреден за вашето внимание и време, особено ако една од причините поради кои сте раскинале била неговата незрелост или неподготвеност на големи чекори.

Прашува за вас

Ова е малку очигледен, но сепак многу потребен знак дека му недостигате и ве нема преболено. Луѓето кои ги прашува за вас се ваши блиски луѓе и тие добро знаат да проценат дали само сака да знае дали сте продолжиле понатаму или навистина е заинтересиран како ви е.

Шифрирани сигнали

Еден „посуптилен“ знак дека уште му недостигате е објавувањето песни, цитати или фотографии што очигледно потсетуваат на времето што сте го поминале заедно и имаат врска со вас. Можеби и не сфаќа дека очигледен, но ако и вие го забележувате тоа, тоа е знак дека можеби и кај вас уште тлее љубовта.

Коментирај