Зошто Американците толку плачеа по TikTok? Спенсер Прат откри колку заработил за 7 дена

По трагедијата во Лос Анџелес каде што го загуби својот дом во пожар, американската реалити ѕвезда Спенсер Прат им даде увид на фановите како е да се биде креатор на содржина на TikTok и дека успеал да заработи вкупно 24.000 долари за само седум дена.

Една недела откако неговата семејна куќа во Пасифик Палисејдс, Калифорнија изгоре во шумски пожар, Прат се отвори за својата заработка на социјалните мрежи.

„Оваа недела заработив, на пример, 4.000 долари на TikTok“, изјави Спенсер за Variety, додавајќи, „но на TikTok Live, каде што луѓето можат директно да ми испратат пари, мислам дека можеби 20.000 долари. Значи, тоа е феноменално и го менува животот. Тоа е моќ на индивидуални поддржувачи, луѓе кои само ве поддржуваат и стојат зад вас“.

41-годишниот потоа продолжи: „И најмоќно е кога не треба да се потпрете на реклами или вештачка интелигенција и алгоритми кога само вистински човечки суштества сакаат да донираат пари за вас. Тоа е неверојатно“.

Интервјуто на Спенсер беше објавено еден ден пред TikTok да престане да работи за околу 170 милиони американски корисници поради законот со кој се затвора поради национална безбедност.

Сепак, Доналд Трамп рече дека ќе потпише извршна наредба со која, барем на одреден период, ќе се спаси TikTok од затворање во САД.

Исто така, TikTok потврди дека ја враќа својата услуга во Соединетите Држави.