Седењето покрај прозорец во авион претставува навистина забавно искуство, но во повеќето случаи патниците треба да се наведнат напред за да уживаат во погледот. Зошто авионските седишта не се во иста линија со прозорците?
За тоа постојат повеќе причини. Произведувачите на авиони го планираат распоредот на седиштата во склад со распоредот во авионот, но тоа најчесто се менува при купувањето на авионот, пишува Lonely Planet. Со цел да се зголеми профитот авиокомпаниите неретко додаваат неколку дополнителни редови на седишта, повеќе од предвиденото.
Но, иако патниците сакаат комфор во летањето со авион, сепак попрво би платиле пониска авионска карта отколку да се комотни во седиштата. Во склад со тоа авиокомпаниите носат одлуки.
Така на пример, Boeing препорачува распоред од 3+3+3 седишта со простор меѓу редови од 81,2 сантиметри. Некогаш, тој простор бил 86,3 сантиметри, а во иднина во поединечни авиони би можел да се намали и на 71 сантиметар.