По дефиниција, анксиозноста подразбира грижа за иднината или размислување за минатото, а многу жени во текот на бременоста го прават токму тоа.
Бременоста, заедно со сите промени низ кои минуваат трудниците во тие девет месеци, може да ве подзамисли. Малку грижа или планирање однапред помага луѓето подобро да се подготват за пристигнувањето на бебето. Но, понекогаш се случува тие мисли да влијаат на квалитетот на животот на трудниците.
Директорката на Центарот Ирвинг за ментално здравје на жените, докторката Кетрин Монк, вели дека причините за зголемена анксиозност во бременоста се различни. За почеток, и некои хормонски промени што се случуваат во телото може да се поврзат со тоа. Како и бројните психолошки фактори.
На пример, ако трудницата претходно имала спонтан абортус или траума во детството, тоа помага во влошување на грижата каков родител ќе биде. Промена на работно место, промени во врската и финансиската ситуација исто така имаат врска со анксиозноста.
„Искуството во бременост е секогаш ново и надвор од контрола на трудницата поради што умее да се дестабилизира“, вели докторката.
Ако и порано сте имале проблеми со анксиозност тие симптоми можат повторно да се јават во бременост. Истражување во САД покажува дека околу 52 проценти од бремените жени страдаат од анксиозност или депресија во бременоста. Постојат бројни начини за лечење анксиозност и депресија, затоа е најдобро да се побара стручна помош, советува докторката Монк.