Чадените, или димените, производи не треба да се користат често бидејќи содржат многу масти и нитрати кои се штетни за организмот, смета руската нутриционистка Елена Чедија.
„Потрошувачката на чадено месо и колбаси мора да се ограничи на максимум 3 до 5 грама сол дневно. Дури и човек да не користи сол во исхраната, и да не го земе предвид внесот на пушени производи богати со нитрати, ќе внесува 20-25 грама сол дневно“, вели докторката.
Големото количество натриум содржано во димената храна никому нема да му користи, a особено е штетно за луѓето кои се болни.
„При болести на дигестивниот тракт, чаденото месо ги иритира желудникот и црниот дроб. Натриумот не се препорачува за дебели луѓе бидејќи ја задржува водата, а водата ја забавува оксидацијата на мастите, што не дозволува квалитетна борба со вишокот килограми. Дополнително, натриумот дополнително го оптоварува кардиоваскуларниот систем“, вели нутриционистката.
Димените производи може да содржат и канцерогени материи.
„При процесот на чадење на овие производи, се користат хемиски адитиви за да се забрза процесот. Во димот има канцерогени материи кои можат да доведат до развој на онколошки заболувања“, објасни Чедија.