Живот

Зошто денешните деца се непристојни?

15. октомври 2019 - 20:09 | Б.С.Б.

Децата се најголем благослов во животот, но постојат моменти кога поради нивното лошо однесување и непристојност ни одат на нерви. Ема Џенер, позната професионална дадилка, има пeт совети за родителите кога станува збор за воспитувањето на децата. Според неа, воопшто не ни се причинува дека денешните, модерни деца се навистина помалку пристојни од претходните генерации.

Таа одвојува пет причини за кои смета дека се клучни за лошото однесување на детето:

1. Недостаток на заедница

Модерните родители толку се трудат да бидат самостојни во одгледувањето на децата и мислат дека секој кој ќе се обиде да помогне, ја преминува границата, па дури и ако станува збор за баба и дедо. Постарите генерации, наспроти денешните, знаеле дека вклученоста на другите членови од семејството во животот на децата е многу важен. Така ги учите децата да ги почитуваат возрасните. Во спротивно, децата ќе израснат со мислење дека нема потреба и причини да бидат емотивно поврзани со други луѓе.

2. Премногу сме толерантни

Многу често родителите се толерантни во случај на лошо однесување на децата бидејќи сметаат дека се премалечки за да ги сфатат нивните постапки. Мислиме дека децата се наивни и невини, но со тоа не им правиме услуга. Децата учат многу брзо и затоа е важно навреме да го коригираме нивното лошо однесување, за да не развијат лоши навики.

3. Родителите помалку комуницираат со децата

Со години наназад децата ја имале таа среќа да слушаат радио во текот на патување со автомобил или да се будат порано во сабота за да ги гледаат омилените цртани филмови. Сега, децата имаат таблети, ајпод уред и друга технологија со чија помош уживаат во омилената музика, филмови, емисии.

Покрај сета таа забава родителите не мора да создаваат интеракција со децата како некогаш. На децата им е потребен развој на меѓучовечки односи и не треба прерано да ги правите независни.

4. Родителите се емотивно уценети

Модерните родители треба да сфатат дека децата нема засекогаш да бидат мали. Кога им давате привилегии бидете сигурни дека тие доаѓаат здружени со одговорности. Доколку се вклучени во некои дополнителни активности дајте им до знаење дека некои работи мора сами да ги прават, како подготовка за училиште и станување навреме.

5. Децата заземаат премногу време во распоредот на родителите

Децата би требало да бидат во центарот на родителите, но и на мама и на тато им треба време за себе. Тоа не само што е добро за родителите туку е важно децата да разберат дека родителите имаат право на сопствен развој. Родителите треба да сфатат дека нивното постоење не е само поради децата, а децата треба да научат дека секој заслужува грижа и почит.

Коментирај