Иако бројни истражувања покажуваат дека разводот на родителите е голема траума за децата, сепак треба да се води сметка и за трајната емоционална штета која детето ја трпи во домот со родителите кои не можат да најдат заеднички јазик.
Зошто добриот развод сепак е подобра опција од лошиот брак?
Работите се комплицирани неколку месеци по разводот и разделбата, но повеќето семејства сепак успешно минуваат низ адаптацијата и наоѓаат нова визија на секојдневието, чиј темел е токму постабилната емотивна ситуација. Сепак, за вакво нешто потребно е двајцата родители да бидат зрели и да го стават интересот на децата на прво место, односно да не се обидат да го „свртат“ против другиот родител.
Откако децата ќе видат дека родителите меѓусебно се почитуваат и договараат по разводот, се трудат да ги решат работите за ситуацијата функционира нормално, децата учат дека компромисот е важен. Иако ниту еден развод не е без предизвици, преживувањето е исто така важна животна лекција за сите учесници.
Фрустрираниот, депресивен, очаен, лут, несреќен родител нема ниту волја, ниту енергија да се фокусира на детето бидејќи е оптоварен со проблеми и тоа е природно и човечки. Но, ако ваквите чувства траат во лошиот однос потребно е родителот да пронајде сопствен мир и среќа за да може да му овозможи повеќе и на самото дете.
