Љубителите на газирана вода можат да здивнат, бидејќи нема причина да се грижат за своето здравје. Постојат многу митови поврзани со газираната вода, од тоа дека го „извлекува“ калциумот од коските, па до уништување на забниот плак. Што од тоа е всушност вистина?
Ако сакате газирана вода, не постои ниту една причина што би можела да ве спречи да уживате во неа. Газираната вода е вода без калории и шеќери, одлична замена за газираните пијалаци кои содржат шеќер, а посебно е добра ако се пие на празен стомак, бидејќи создава чувство на ситост.
Исто така, научници од Центарот за Остеопороза во универзитетот Крајстон во САД, докажаа дека газираната вода нема негативно влијание на човечките коски за разлика од некои други газирани пијалаци кои ја намалуваат густината на коските во женските колкови.
Откриено е дека е намалена просечната густина на коските само кај жените кои пиеле 3 пати неделно слатки газирани пијалаци.
Сите експерти се согласуваат дека газираната вода е безопасна, додека преку исхраната внесуваме доволно калциум. Докажано е дека луѓето кои ја пијат имаат помали проблеми со вишок на килограми, бидејќи меурчињата им создаваат чувство на ситост.
Без разлика на тоа, еден дел од течностите кои ги внесувате во текот на денот можете да ги замените со газирана вода.
Единствено ограничување при пиењето на газирана вода, постои кај лицата кои страдаат од синдром на надразнето дебело црево или лица кои се соочуваат со воспалување на цревата.