Студија од Харвард откри зошто е опасно да држите диета ако немате вишок килограми.
Држењето ригорозни диети за слабеење, кога не сте дебели, години подоцна може да биде штетно за вашето здравје, покажа студија спроведена на Универзитетот Харвард.
Луѓето кои веќе биле слаби, а изгубиле доста килограми, имале поголем ризик од дијабетес 2 децении подоцна, во споредба со нивните врсници кои не биле на диета. Исто така, поголема е веројатноста ги зголемат килограмите, покажа студијата.
Научниците велат дека нивните резултати биле изненадувачки. Претпоставуваат дека слабите луѓе кои имале драматично губење тежина имаат поголемо ниво на хормон на глад поради што е и поголема веројатноста да копнеат по нездрава храна. Многу слаби луѓе се обидуваат да изгубат маснотии со надеж дека ќе постигнат стомачни мускули или позатегнато тело.
Во студијата научниците анализирале податоци од 200.000 здрави Американци собрани во периодот меѓу 1988 и 2017 година. Девет од десет учесници биле жени.
Поделени биле според индексот на телесна маса на слаби, на умерено дебели и екстремно дебели. Морале да ја мерат нивната тежина, а научниците ги следеле нивните медицински картони.
Меѓу слабите луѓе оние кои биле на екстремна диета накачиле меѓу 4,4 и 17 килограми повеќе од своите врсници.
