За растенијата да бидат убави, но пред сè здрави, потребно е редовно да се одржуваат. Покрај наводнувањето и отстранувањето на оштетените лисја, одржувањето вклучува и бришење прашина.
Пред да згасне летната светлина, проверете дали листовите на растенијата наа заторено се покриени со прашина. Со чистењето, им овозможувате да продолжат да апсорбираат светлина и да вршат други функции. Кога листовите се покриени со прашина, престанува да се произведува хлорофил, листовите пожолтуваат и растот се забавува.
Како да се отстрани прашината од лисјата?
Земете крпа од микрофибер, нека биде малку влажна или ставете ракавици за бришење прашина и избришете го секој лист од растението. Ќе откриете дека некои листови собираат повеќе прашина од другите.
Исто така, додека бришете прашина, проверете ги растенијата. Побарајте штетници на листовите, вклучувајќи ја и долната страна. Проверете дали има бледи, жолти, суви, кафеави или влажни лисја. Проверете дали има знаци дека растенијата треба да се пресадат, како што се корени кои се над линијата на почвата, пишува Apartment Therapy.
