Повеќето знаат барем една совршена филмска сцена каде целото семејство седи на маса и појадува, но во реалниот живот вакви сцени се ретки.
Сепак, постојат најмалку шест причини зошто треба да го практикуваме ова. Заедничкото јадење има повеќекратни придобивки за децата, а некои од нив ги пренесуваме во продолжение.
1. Децата учат добри манири
Децата ги имитираат своите родители, вклучувајќи го и нивното однесување. Родителите можат да им покажат на своите деца како правилно да се однесуваат на маса додека јадат заедно. Покрај тоа, преку семејните оброци, децата можат да ги усовршат социјалните и комуникациските вештини.
2. Децата имаат подобри резултати во училиште
Децата кои јадат со своите родители добиваат подобри оценки од оние кои јадат сами, покажа едно истражување. Тоа е веројатно затоа што оброците што ги послужуваат родителите имаат поголема хранлива вредност и, следствено, обезбедуваат повеќе витамини.
3. Децата се хранат поздраво
Како по правило, заедничкото јадење води до поздрав избор на храна. Од друга страна, јадењето надвор од домот поттикнува посиромашни навики во исхраната. Децата кои јадат здрави и хранливи оброци имаат помала веројатност да бидат прекумерно дебели во тинејџерските години.
4. Децата полесно се отвораат
Пријатниот семеен собир им помага на децата и тинејџерите поотворено да зборуваат за своите чувства. Едно истражување покажа дека младите имаат подобра родителска комуникација додека јадат со своите родители.
5. Децата ја зголемуваат самодовербата
Јадењето заедно создава чувство на припадност. Исто така, ја подига самодовербата на децата поради социјалниот ангажман. Тинејџерите кои јадат во семејството на крајот се помалку депресивни, бидејќи им е полесно да се отворат додека ја делат храната со своите најблиски.
6. Децата стануваат понезависни
Родителите можат да ги вклучат своите деца во подготовката на оброците. Одењето на шопинг, планирањето оброци или готвењето се одлични начини да ги научите вашите деца да бидат понезависни. Освен тоа, ќе им помогне да бидат повнимателни со парите и ќе им овозможи да научат кои видови храна да ги изберат.