Уште кога ја играше улогата на Хермиона во филмовите за Хари Потер, Ема Вотсон ја заработи привилегијата да го одбира она што таа го сака од понудата на главни улоги во Холивуд.
На големо изненадување, не се определи за многу.
„Повеќе сакам квалитет отколку квантитет“, вели таа.
За да ја игра улогата на Бел во „Beauty and the Beast“, Вотсон ја одби главната женска улога во „La La Land“ (за која Ема Стоун доби Оскар), а наводно ја одбила и улогата на уште една хероина на Disney, Пепелашка.
За неа ликот на Пепелашка бил премногу пасивен, додека Бел, вљубена во книгите и науката, била хероина со која можела да се идентификува.
„Отсекогаш сум ја сакала Бел. А во оваа верзија решивме улогата на изумител да ѝ ја дадеме на Бел, наместо на таткото како во анимираната верзија.“
„Чувствував голема одговорност кон личноста која бев како дете бидејќи знам како ликот на Бел влијаеше врз мене“, рече Вотсон.
