На парламентарните избори во Германија, партијата Алтернатива за Германија (AfD/АфД) постигна значителен успех, освојувајќи 19,5% од гласовите и го зазема второто место, веднаш зад конзервативната ЦДУ/ЦСУ која освои 29%.
Овој резултат означува историски успех за екстремната десница во земјата, а првичните анализи покажуваат дека АфД привлече значителна поддршка меѓу работниците. Многу гласачи од работничката класа, незадоволни од актуелната политичка насока и економските предизвици, се свртеа кон АфД во потрага по алтернативи.
People trying to understand why the AfD has doubled its voteshare and why it's more popular in east Germany should take a look at a statistic that's once again underreported in my view: 38%(!) of the working-class vote went to the AfD yesterday 👇 pic.twitter.com/OkuPzXkft7
— Katja Hoyer (@hoyer_kat) February 24, 2025
Лидерката на АфД, Алисе Вајдел, вели дека партијата нуди решенија за проблемите со кои се соочуваат работниците, вклучително и намалување на даноците, зајакнување на националната индустрија и порестриктивна имиграциска политика. Таа ја истакна и важноста од заштита на работните места и зголемување на платите на работниците.
Сепак, од левицата доаѓаат одговори дека АфД ги застапува десничарските и антиработнички политики, што ја докажува нејзината блиска врска со другите радикални десничари во Европа, милијардерот Илон Маск и слично. Заедно со АфД, значителен успех постигна и екстремната левичарска партија Die Linke, која влезе во Бундестагот со речиси 9% поддршка, зголемувајќи го бројот на претставници во парламентот.
Овој тренд на поддршка за АфД кај работниците предизвикува загриженост кај традиционалните политички партии, кои се соочуваат со предизвикот како да одговорат на растечкиот популизам и незадоволството од гласачите. Аналитичарите сугерираат дека традиционалните политички партии треба да обрнат внимание на економските и социјалните проблеми на работниците за да го спречат понатамошниот раст на популистите и екстремната десница.
