Истражувањето во кое учествувале 130 двојки на 20-тина и 30-тина години покажало дека жените се посреќни кога се во врска со партнер кој е помалку привлечен од нив, а причината за тоа е малку бизарна.
Ако мажот е помалку привлечен од жената со која е во врска, тогаш таа смета дека нема потреба да држи диети или претерано да се посветува на физичкиот изглед, покажа истражувањето.
Научниците од Државниот универзитет на Флорида утврдија дека хетеросексуалните врски и бракови се поуспешни ако мажот е малку „пополничок“ од партнерката и помалку привлечен во споредба со неа.
Во истражувањето биле анализирани 113 новопечени брачни парови кои живеат во Тексас, кои биле во браак помалку од 4 месеци.
Истражувачите заклучиле дека жените кои сметаат дека нивниот партнер е многу привлечен биле повеќе настроени кон држење диети за да ги симнат вишокот килограми, за да може да му „парираат“ во изгледот и да го задржат покрај себе.
Оние кои имале помалку привлечни сопрузи не чувствувале потреба да го прават тоа и генерално се посреќни.
„Резултатите покажуваат дека на жените негативно се одразува кога мажот е многу физички привлечен, а тој ефект е уште посилен ако таа не е нешто посебно привлечна. Исто така, истражувањето покажа дека овие фактори може да придонесат за развој на пореметувања во исхраната кај жените. Од друга страна, ако мажот има многу атрактивна партнерка, тоа не е мотив за него да држи диета или да се грижи дополнително за својот изглед“, велат научниците.
Тие исто така додаваат дека мажите генерално се повеќе посветени на врската или бракот и дека повеќе се трудат партнерката да биде задоволна кога таа е многу привлечна.
