Познато е дека мажите сакаат да го преувеличуваат бројот на партнерки бидејќи сакаат да се покажат како големи заводници и „вистински мажи“, додека жените го намалуваат бројот на партнери за да ги задоволат очекувањата поврзани со посакуваното сексуално однесување за жените.
„Живееме во општество во кое од мажите сè уште се очекува да бидат сексуално доминантни, а жените би требало да им бидат подредени бидејќи се смета дека премногу сексуално искуство ќе ги упропасти. Токму затоа мажите ја „пумпаат“ бројката, а жените ја смалуваат“, објаснува д-р Ники Долдстајн.
Студија на Универзитетот во Охајo покажа дека жените ќе признаат облик на однесување што ја намалува нивната женственост, еднакво како што мажите ќе признаат некои облици на однесување типични за жените како пишување поезија и плачење на филмови. Но, кога во прашање е сексот, ретко кој е искрен.
На анкета во која учествувале 293 испитаници на возраст од 18 до 25 години дел од испитаниците, кои одговарале на машко-женски прашања, прифатиле на одат на полиграф којшто всушност бил лажен. Испитаниците од двата пола признале дека се однесуваат атипично за нивниот пол, без разлика колку тоа ја намалува нивната женственост или мажественост.
Но, неправилности се забележани кај прашањата поврзани со сексуалното однесување. Жените кои биле на „полиграф“ признале поголем број на партнери од жените кои не биле. Обратно пропорционално, мажите кои биле на „полиграф“ признале во просек значително помал број на партнерки.
Уште една причина поради која луѓето лажат за бројот на сексуални партнери е чувството на срам. Луѓето се грижат за тоа што е нормално, а кога станува збор за сексот, тешко е да се дефинира што е нормално.
Факт е дека луѓето се опседнати да се споредуваат себеси со другите, да се вклопат некаде за да не бидат осудувани.
Сите имаат различни погледи на сексот и на тоа колку партнери е нормално да имаат, па затоа потешко признаваат за вистинската бројка со страв дека може да разочараат некого.
