Желбата за нешто благо е најтешко да се контролира. Објаснувањето за оваа потреба на голем број луѓе го дадоа докторите Мајкл Крупејн и Мехмет Оз.
Како што се покажа, желбата за шеќер е всушност прашање на навика.
„Имате охрабрување, однесување и награда. Во случај на желбата за шеќер, поттикот може да биде крај на вечерата, однесувањето е консумирање слатки, а наградата е чувството што го имате потоа“, вели д-р Крупејн.
Хормонот одговорен за доброто чувство што се ослободува по уживањето во омилениот десерт е допамин, а хормонот кој го регулира нивото на шеќер во крвта е инсулинот.
„Кога јадеме благо, инсулинот се зголемува во мозокот, што е нашиот пат за наградување. Ова предизвикува зголемено ослободување на допамин, што прави да се чувствуваме добро. Исто така, го претвора нашето однесување при внесување шеќер во навика. Како резултат на тоа, се навикнуваме на фактот дека секој пат кога јадеме оброк, ќе се чувствуваме добро само ако јадеме нешто слатко“, објаснува докторот и додава:
„Наместо слатки што содржат прекумерна доза шеќер, можете да земете коцка темно чоколадо што може да ја задоволи желбата за благо.
„Друга причина зошто желбата за десерт може да се поврзе со грелин, хормонот на гладта“, вели д-р Оз.
„Ако не јадете доволно или немате балансирана исхрана, вашето тело можеби нема да испушта доволно грелин. Покрај тоа, конзумирањето храна пребрзо може да ја зголеми желбата за храна, но и за слатки“, додаде докторот.
Ако некогаш сте се запрашале зошто секој пат после напорниот работен ден имате потреба да конзумирате нешто нездраво или слатко, тоа може да биде поврзано со нивото на серотонин, пишува Real Simple.
Серотонин помага да се регулира расположението, така што има смисла телото да го посакува кога сме под стрес или депресија.
„Познато е дека пониското ниво на серотонин во мозокот може да предизвика желба за шеќер. Исхраната со висок шеќер го подобрува расположението и ја ублажува вознемиреноста“, вели д-р Оз.
Недоволно спиење
„Недостатокот на сон е поврзан со прејадување, особено нездрава храна. Обидете се да спиете најмалку осум часа, може да ја намалите желбата за нездрава и слатка храна“, вели д-р Крупејн.
Ви се врти без шеќер или имате хронично силна желба за слатки? Причината може да биде нерамнотежа на шеќер во крвта, како што е хипогликемија.
Не треба да се извлекуваат заклучоци веднаш. Кога на телото му недостасуваат одредени минерали кои се вклучени во регулирањето на нивото на инсулин, тоа исто така може да влијае на желбата за слатки.
Кога телото не добива доволно магнезиум, ќе имате проблеми со снабдување на клетките со енергија, така што ќе има желба за шеќер што помага да се подигне нивото на енергија.
