Тим истражувачи на Универзитетот во Квебек направи истражување на тема зошто мажите глумат оргазам. За таа цел биле испитани 230 мажи на возраст меѓу 18 и 29 години, а некои од нив признале дека глумат оргазам.
Иако се верува дека само жените глумат оргазам, тоа го прават и мажите. Неодамнешно истражување покажа дека мажите тоа го прават почесто отколку што мислиме. Причините се многубројни како на пример дека сексот трае предолго, не можат долго да ја одржат ерекцијата, ја изгубиле желбата во текот на сексот поради умор и слично.
Колку често мажите глумат оргазам?
Во едно истражување на Универзитетот Канзас од 2010 година, научниците испитале 180 студенти и дошле до резултати дека четвртина од испитаниците барем еднаш во животот одглумиле оргазам.
Како успева измамата?
Мажите се обидуваат да одглумат оргазам со гласно стенкање и силно напнување на телото, по кое следи целосно опуштање. Ако има ставено презерватив, тогаш е тешко да се открие дали навистина дошло до ејакулација. Мажите со брзо вадење на кондомот и негово фрлање ги спречуваат жените да забележат дали глумат или не. Кај сексот без кондом често одглумуваат бришење на спермата од пенисот со помош на тоалетна хартија.