Факт е дека многу мажи глумат само за да го добијат тоа што го сакаат.
Постојат многу неразјаснети работи и ситуации кога станува збор за машко-женските односи. Многу од тие прашања се од психолошка природа, бидејќи треба да го познавате начинот на размислување на мажите и на жените за да дојдете до одредени одговори.
Факт е дека мажите и жените се различни, сакаат различни работи, имаат различни цели, се разликуваат по начинот на кој прават одредени работи и слично.
Исто така, имаат и различни реакции. Така, жените се склони по сексот да се врзат за личноста со која минале страсна ноќ додека мажите почесто веќе никогаш не се ни јавуваат.
Се поставува прашањето зошто е тоа така, што им се случува во главата па така лесно можат да ја остават девојката за која до вчера правеле сè за да ја освојат?
Ова се двете најчести причини зошто мажите се менуваат по првиот секс со девојката:
Го добил тоа што го сакал
Колку и да е болна оваа причина, сепак е една од најчестите бидејќи едноставно се случува мажот да го изгуби интересот откако ќе го добие тоа што го сака. Целта му била да спие со вас, друг интерес немал. Ова не треба да ве повреди многу, бидејќи не е нешто што може да го предвидите.
Почувствувал дека нема доволно хемија
Хемијата не е мит, таа постои и нè поврзува со личноста која ни се допаѓа. Хемијата претставува чувство на силна привлечност кон друга личност. Она чувство кога секој допир го доживувате како огномет, а вашето тело без свесно влијание реагира и разговара со друго тело.
Доколку тој се промени по заеднички мината ноќ, постои голема шанса да почувствувал дека меѓу вас едноставно нема доволно хемија.