Кристијано остана во шок, а Германецот детално проговори за ситуацијата.
Сите кои синоќа ја гледаа победата на Манчестер Јунајтед против Брентфорд (3:1) неизбежно ја забележаа лутата реакција на Кристијано Роналдо кога тренерот Ралф Рангник го извади од игра.
Имено, во 71. минута при водство на Јунајтед од 2:0, Рангник го изваде од игра Роналдо уфрлувајли го Хари Мегваер за да ја засили одбраната и да ги осигура трите бода. Всушност тоа беше двојна замена бидејќи истовремено излезе и Маркус Рашфорд за да влезе Мејсон Гринвуд.
Роналдо седна на клупата и неколку пати си го постави првото прашање: „Зошто ме извади? Зошто излегов?!“, што може да се види на бројните видеа и слики.
По натпреварот и победата од 3:1, германскиот стручњак откри што слушнал од Роналдо во тие моменти. А сигурно не слушнал сѐ, бидејќи го водеше натпреварот додека Кристијано беснееше на клупата.
„Единствената реакција што ја забележав беше: 'Зошто да излезам? Зошто ме извади?'. Разбирам дека Кристијано е амбициозен, но мпжеби кога ќе биде тренер во иднина ќе направи исто ваква одлука во 75. минута. Не очекувавв да ме прегрне откако го извадив. Знам како размислуваат голгетерите и морав да ја донесам оваа одлука. Немам проблем со Роналдо. “, изјави Германецот по натпреварот.
Таа одлука дополнително ја образложи со претстојниот натпревар, бидејќи Јунајтед в сабота ќе игра против Вест Хем.
„Тој неодамна се повреди и не играше недела и пол. Ги имавме Рашфорд и Марсиал на клупата и зошто да не ги искористам? Повторно би го направил истото. Тука сум шест недели и никогаш не сум имал проблем со Роналдо... Најважно е што победуваме и тоа е на прво место“, додаде Рангник.