Викторија Силвестед, поранешна цимерка на Меланија Трамп, добро ја познава актуелната прва дама на САД и тоа од времето пред Словенката да стане светски позната.
Оваа шведска манекенка која во 1997 година ја доби титулата Playboy playmate of the year, токму таа година живеела со Меланија во светската престолнина на модата, Париз, каде двете дошле како млади манекенки со желба да направат успешни кариери како модели.
Викторија неодамна откри тајна која Меланија никогаш не сакала да ја коментира јавно. Таа објасни на што се должи лошиот англиски говор на првата дама.
Меланија има тежок балкански нагласок како вчера да се преселила од Словенија во САД и често наидува на критики поради тоа.
Поранешната цимерка на првата дама на САД е убедена дека тоа се должи на нејзината повлеченост и недружељубивост.
„Никогаш не сакала да биде центар на внимание. Беше многу тивка и повлечена. Ако разговараше повеќе со луѓе и повеќе го користеше англискиот, сигурно ќе ѝ се подобреше изговорот, ама таа просто не сакаше да се потруди“, вели Викторија.
Поранешните цимерки се сретнаа и разговараа минатата година, кога Викторија заклучи дека Меланија воопшто не се сменила.
„Уште е истата. Уште сака луксузни работи и уште го има тој ужасен говор“, рече Викторија.
