Зошто на стадионот на Евертон се служи син кечап?

Ривалството помеѓу Евертон и Ливерпул е едно од најдобрите и „најздравите“ во светот на фудбалот, а последните денови добивме уште една интересна потврда за тоа.

Никогаш немало големи проблеми меѓу навивачите на Евертон и Ливерпул, но ривалството секогаш се одржувало исклучиво на теренот.

Меѓу најинтересните работи за ова ривалство е новитетот на новоизградениот стадион на Евертон кој ќе го замени култниот „Гудисон Парк“ и кој по изградбата веќе е домаќин на пробни натпревари.

Имено, навивачите на тој стадион не може да јадат кечап во неговата природна црвена боја, онаа на која сме навикнати. Наместо тоа, вирален во последните денови стана хот-дог со син кечап.

Новиот стадион на Евертон служи хот-дог со син кечап, за да се избегне црвеното на ривалот Ливерпул. Кечапот има ист вкус како и обичниот, црвен на кој сме навикнати, но е направен со додаток на емулгаторот E133, кој му дава сина боја.

Клубот долго време се обидуваше да ја избегне црвената боја поради поврзаноста на бојата со Ливерпул. Тие претходно ги забранија црвените божиќни украси и ги отфрлија спонзорите со црвени логоа.