Зошто најдобрите идеи ни текнуваат додека се тушираме?

Сигурно ви се случило додека се туширате или капете да правите планови, да донесувате одлуки и да смислувате генијални идеи. Дали некогаш сте се запрашале зошто се случува ова? Објаснувањето го дава професор д-р Мартин Корте.

Понекогаш кога имате некаков проблем и се трудите максимално да најдете решение, едноставно никако да дојде. Потоа излегувате на прошетка, одлучувате да зготвите нешто или да се истуширате и за миг ви текнува генијална идеја. Зошто е тоа така?

Според научникот, кој го истражува мозокот, опишаниот феномен вклучува две различни мрежи во кои нашиот мозок може да работи: мрежата на внимание или концентрација од една страна и мрежата на мечтаење од друга страна.

„Кога вниманието ни е активно, фронталниот лобус е исклучително активен“, вели Мартин Корте.

Светнува како батериска ламба во мозокот и бара релевантни информации што можеме да ги користиме за да ги решиме проблемите.

Предниот лобус се фокусира на големите, добро развиени и често користени патеки за податоци во нашиот мозок, бидејќи таму е најголемата веројатност да се најде одговорот - на крајот на краиштата, затоа тие се толку добро изградени. Но, токму тоа е финтата: најперспективните решенија не се секогаш најгенијалните или најкреативните.

„Во принцип, најкреативните решенија се најневеројатните кои функционираат и покрај сè“, вели научникот.

„Кога зборуваме за креативност и креативни идеи, обично помислуваме на изнаоѓање оригинални пристапи и решенија за проблемите. Овде не се работи за правилно или погрешно, туку за имагинација. Станува збор за поврзување на елементите на некои нови, можеби изненадувачки начини и изнаоѓање решенија за кои досега не сме размислувале“.

За возврат, шансите за успех ни се поголеми ако мозокот ја стартува мрежата на мечтаење - што тој сака да го прави додека, на пример, се туширате.

Во оваа состојба, која исто така се нарекува основна состојба или позадинска активност на мозокот, фронталениот лобус е многу помалку активен отколку кога е во режим на внимание.

Од друга страна, умерена активност може да се забележи во сите области на мозокот, особено во оние области кои не се одговорни за интеракција со надворешниот свет, но ги регулираат внатрешните работи, на пример, да можеме да чувствуваме и да одговориме на нашата состојба. .

Додека се концентрираме, таканаречените гама бранови се движат низ мозокот со брзина до 40 херци, а за време на мечтаењето многу побавни алфа бранови патуваат со само осум до дванаесет херци.

И која е можеби најважната разлика во овој контекст: „Во оваа основна состојба, активноста во мозокот не е фокусирана, туку дифузна“, вели Мартин Корте.

Како резултат на тоа, информациите може да се вмрежат едни со други во нашата база на податоци речиси случајно, односно може да се формираат асоцијации кои никогаш не би се споиле во концентрирана состојба. И одеднаш - доаѓаме до најсветлата идеја или најдоброто решение за проблемот.

„Но, за да дојдеме до добри идеи, прво мора точно да го идентификуваме проблемот, да конкретизираме кои прашања се релевантни за решавање и, на пример, да истражиме како други луѓе веќе го решиле овој проблем“, вели д-р Мартин Корте.

реклама

3 симптоми на недостаток на витамин Б12 што се забележуваат при јадење

Read more

Кардиолозите открија кој протеин е најдобар за здравјето на срцето

Read more

5 најчести грешки кога правите пица дома

Read more

Франција изгуби контрола над делови од Нова Каледонија: Истрели и експлозии одекнуваат низ островот

Read more

Чек дис аут

15 најмистериозни подводни аномалии

Read more

Како изгледа животот на еден од најгусто населените острови во светот?

Read more

Топ 15 најстрашни туристички атракции

Read more

7 најлегендарни изгубени градови

Read more
 

Магазин

Храна што бебињата не треба да ја јадат

Читај повеќе

Кој дел од телото најчесто прв го губи салото?

Читај повеќе

Совршени совети за брзо и лесно чистење на домот

Читај повеќе

5 најчести грешки кога правите пица дома

Читај повеќе

Дали сте подготвени за најмасовниот планински настан во регионот „Sparkasse Life Прв до врв“?

Читај повеќе

Што после средно?

Читај повеќе

3 симптоми на недостаток на витамин Б12 што се забележуваат при јадење

Читај повеќе

Победникот на Евровизија ја повика Швајцарија да воведе трет пол во официјалните документи

Читај повеќе

Предупредувачки симптоми дека имате сериозни проблеми со тироидната жлезда

Читај повеќе