Сите сакаме да јадеме јагоди со оглед на тоа што се вистинско освежување во пролет и во лето, но тоа е овошје кое е на врвот на листата производи на кое се користат најмногу пестициди.
Непрофитната истражувачка организација Environmental Working Group секоја година објавува листа на намирници на кои се користат најмногу пестициди, на основа на истражување што го спроведува Министерството за земјоделие на САД.
Јагодите секоја година се на листата, но во 2021 година се најдоа на првото место.
Според податоците на Агенцијата за заштита на животната средина, пестицидите во храната можат да предизвикаат сериозни здравствени проблеми како вродени маани кај децата, оштетувања на нервниот систем и канцер.
EWG наведуваат дека јагодите од органско производство немаат толку пестициди така што ако купувате јагоди, купете од произведувач за кој сте сигурно дека одгледува органски јагоди.
