Зошто не треба да го држите телефонот в рака кога трчате?

А.С.
/ 15.09.2021 / 16:38

Од нивната појава, смартфоните ни станаа како трета рака, или барем продолжение на едната.

Помислата да го оставите телефонот дома е искрено застрашувачка. Како ќе ги блокирам иритирачките звуци на другите патници во јавниот превоз? Како можам да предвидам дали ќе заврне?

Опсесијата со телефоните се прошири и на трчањето. Телефонот е совршена придружба за џогирање надвор - ви обезбедува музика за да ви го одвлече вниманието и ви помага да ја следите вашата рута. Но, експертите предупредуваат дека не е добра идеја да го држите телефонот во рака додека трчате, бидејќи тоа може да предизвика појава на повреди на колкот и рамото.

Навиката може да создава суптилни нерамнотежи низ телото, што пак може да доведе до затегнување на мускулите на колкот, нозете и рамото. Истото важи и за шишиња со вода, или било што друго што може да го носите во едната рака додека трчате.

Професионалниот тренер на Велика Британија за атлетика, Алекса Дакворт-Бригс, ги повикува луѓето кои трчаат да ги носат ги телефоните на еластичен појас со џебови.

„Кога држите нешто в рака, предметот има суптилни ефекти врз вашето одење. Создава мускулна нерамнотежа, влијае на распределбата на тежината низ вашето тело и ве прави воопшто помалку ефикасен тркач“, вели таа.

„Ова може да се случува секој пат кога тренирате, недела по недела, месец по месец“, забележува експертот. „И сето ова значи дека сте поподложни на притисоци, особено во нозете, колковите и преку рамената“.

Со оглед на тоа дека мобилните телефони стануваат поголеми и потешки, најверојатно ќе има повеќе повреди.

„Луѓето имаат тенденција секогаш да го држат телефонот во иста рака. Тоа е навика“, вели Алекса. „Прашањето овде е во повторувањето на движењето, рацете ви се мавтаат илјадници пати за време на трчање од 30 минути.

„Со тоа што едната рака е потешка, го менувате моментумот на вашите екстремитети. И телото ќе се обиде да ја компензира нерамнотежата ангажирајќи одредени мускули посилно од другите. Таму ќе се појават повреди од истегнување.“

Според експертот, најверојатно ќе забележите проблеми што се манифестираат на спротивната страна на телото од страната на која го држите телефонот. Поради оваа причина, Алекса смета дека појасот на половина е подобра опција од лента на рака или држење на телефонот в рака за време на трчањето.

Другиот ризик од џогирањето со телефон во рака, се разбира, е да го изложите на оштетување доколку ви падне.

реклама

Што го возбудува вистинскиот Македонец?

Read more

Предизвик од 52 недели: Како да заштедите 1.400 евра за една година?

Read more

Поза мачка - идеална за долг секс и двоен оргазам

Read more

Рама: Никој не може да ѝ држи лекции на Албанија

Read more

Фит

Најдобрите чаеви за слабеење и забрзување на метаболизмот

Read more

Како да си го забрзате метаболизмот?

Read more

Зошто не треба да го држите телефонот в рака кога трчате?

Read more

Десет работи кои никој не ви ги кажува за стомачните мускули

Read more
 

Магазин

  • play_arrow

Најдобрите чаеви за слабеење и забрзување на метаболизмот

Читај повеќе
  • filter

Се продава 8 века стар швајцарски дворец

Читај повеќе
  • play_arrow

Што ако би се телепортирале 200 години во минатото?

Читај повеќе

Што ќе се случи во вашето тело ако 7 дена не јадете слатка храна?

Читај повеќе

Што значи кога сонувате дека паѓате?

Читај повеќе

Што го возбудува вистинскиот Македонец?

Читај повеќе

Десет грешки поради кои не ви се погодува ајварот

Читај повеќе

Полна месечина во Риби - како ќе влијае на вашиот знак?

Читај повеќе

Вкусно и едноставно: Колач со јаболка

Читај повеќе