Фитнес тренерот Греам Томлинсон објаснува едно сценарио во кое група пријателки седнуваат на појадок.
Инспирирани од бројните совети за слабеење и здрав живот, три од нив нарачуваат тост со авокадо и цели семки, а една од нив, Моника, бара тост со сланина и јајце на око.
Шок и неверување, нели? Трите пријателки веруваат дека сланината дебелее. Томлинсон објаснува: „Моника со години се обидува да ослаби. Но, неодамна направи некои основни истражувања за исхраната. Откри дека сланината и јајцата на тост од овој ресторан имаат помалку калории од многу ценетиот тост од авокадо. Таа знае дека микронутриентите се важни за целокупното здравје , но да, енергетскиот биланс го дефинира губењето на маснотиите, а не специфичната храна“.
Тој јасно ја пренесе својата поента со графики во кои се споредуваат таканаречената здрава храна и храна кои се смета за нездрава.
Додека авокадото на тост содржи 505 калории и 11 грама протеини, тостот со сланина и јајце има 360 калории и 21 грам протеини.
Слично е и со некои други јадења. Интегрален тост со путер од бадем и сируп од агаве има 255 калории, а тост со џем од малини 145. Во „здрав“ протеински бар има 238 калории, а чоколадо 248.
„Храната не е модна изјава. Таа не го подигнува вашиот профил на повисоко ниво и не ви дава важност. Храната е извор на енергија. Треба да се ужива, а не да се осудува“, заклучува Томлинсон.