Кога луѓето позираат за приватни фотографии, вообичаено се насмеани бидејќи така изгледаат поубаво. Сепак, кога се позира за пасош, изразот на лицето мора секогаш да биде серозен, а има и добра причина зошто е тоа така.
Биометриските пасоши содржат податоци за сопственикот на пасошот кои се добиваат од фотографиите. Таа фотографија се скенира и се пресметува одалеченоста меѓу очите, врвот на носот и брадата, за да се добие математичка мапа на лицето.
Се што може да го наруши мерењето или да го спречи, како големата насмевка или пак носењето очила, ја смалува ефикасноста на алгоритамот.
Некои од аеродромите се опремени и со посебни скенери што ги снимаат лицата, прават пресметки и ги споредуваат со сликата од пасошот. Компјутерот проверува дали мерките се поклопуваат со биометриските податоци од пасошот. Евентуалната разлика може да го привлече вниманието на полицајците и тоа да доведе до непријатности и доплнително задржување на аеродромот.