Најчесто си плукате по лошата брзина, пречките при гејмање и слабото покревање на конекцијата, а ако сте тотален лаик или технофоб 100% си мислите дека дебело треба да платите за да го поправите wifi-то.
Wifi-то само по себе не е лошо, ама верувајте секому му се случило да има лошо искуство со него. Главниот проблем е дека повеќето од нас го користиме рутерот од нашиот интернет провајдер. Не дека тие рутери се за никаде, но повеќето не се дизајнирани со многу опции.
Иако се направени да се справат со неколку направи истовремено тоа не е дефиниција за преоптовареност. Вие имате компјутер, лаптоп и телефон, помножено со членови во семејството по минимум два смарт уреди и толку му е душичката.
Уште полошо е кога еден или повеќе од уредите не се баш најмодерни. Основните рутери имаат само една антена што пак значи дека користите само една фреквенција. Ако имате еден нов и еден стар уред, рутерот ќе мора да се прилагоди на брзината на постариот уред и да ги поддржи неговите барања пред да се префли на помодерниот.
Иако овие подесувања настануваат во само дел од секундата сето тоа влијае на брзината. Компјутерите комуницираат илјадници пати во секунда и секое прилагодување на нови барања придонесува до побавен интернет.
И сега?
Најдоброто решение е таканаречениот “mesh-style network“ ситем кој претставува користење на два, три или повеќе мини рутери низ вашиот дом. Тие се помалку моќни, но заедно можат многу полесно да се справат со сите ваши уреди.
Чиста физика на телекомуникацијата: ако побавниот уред се приклучи на еден рутер тој ќе го забави само тој рутер. Полуксузните рутери самите имаат повеќе антени, па подджувањето на постариот и поновиот уред истовремено нема воопшто да биде проблем. На вас останува да одлучите колку време, но и пари, ќе одвоите за ваша мирна глава.
